09:38, 31 июля 2024, 24.kg
Париж −2024: Денис Петрашов жарым финалда 14 — орунга чыкты
Бүгүн, 31-июлда кыргызстандык суучул Денис Петрашов Олимп оюндарынын 200 метрге брасс ыкмасында сүзүү жарышында финалга чыкпай калды.
Ал 200 метрди 2 мүнөт 10,19 секундада сүзүп өтүп, сегиз адамдан турган өз тайпасында жетинчи орунду ээледи. Ал эми жалпы тизмеде 14-сапка жайгашты.
Жалпысынан бул аралыкка 16 суучул катышып, эки топко бөлүнүп жарышты.
Эң мыкты жыйынтык көрсөткөн сегиз спортчу 1-августта боло турган финалга жолдомо алды.
0
