Бишкек мэриясы ЖЭБнин жаңы директорун дайындады
Бишкек шаарынын вице-мэри Талайбек Байгазиев ЖЭБдин жамаатына жаңы директор Нургазы Курманбековду тааныштырды, деп билдирди калаанын басма сөз кызматы.
Талайбек Байгазиев белгилегендей, ишкананын жетекчилигине отун-энергетикалык коопсуздукту чыңдоо, алдыдагы күз-кыш мезгилине даярдык көрүү, башталган реформаларды аягына чыгаруу жана белгиленген пландарды ишке ашыруу боюнча маанилүү милдеттер коюлган.
Өз кезегинде Нургазы Курманбеков көрсөтүлгөн ишеним үчүн ыраазычылык билдирип, алдыга коюлган максаттарды жана милдеттерди аткарууга бардык күч-аракет жумшалаарын белгиледи.
Эске сала кетсек, Жогорку Кеңеш Бишкек жана Ош шаарларынын ЖЭБдерин мэриялардын балансына өткөрүүгө макулдук берген. Депутаттар мыйзам долбоорун үчүнчү окууда кабыл алышты.
