15:15, 18 июня 2024, 24.kg
Бишкекте өрт чыкты. 30 адам эвакуацияланды
Көп кабаттуу үйдөн 30га жакын адам эвакуацияланып, анын жанындагы сарай күйүп кеткен. Бул тууралуу Өзгөчө кырдаалдар министрлигинин басма сөз кызматы билдирди.
Алдын ала маалымат боюнча 350 чарчы метр аянт күйгөн.
«Өрт сарайдан 3 кабаттуу үйдүн чатырына өткөн. Өрттү өчүрүү иштери уланууда», — деп билдирди ӨКМ.
Эскерте кетсек, буга чейин Бишкектин Тыныстанов көчөсүндө сарай өрттөнүп жатканы маалымдалган. Өрттү өчүрүүгө эки өрт өчүрүүчү бригада тартылган.
0
