09:37, 04 июня 2024, 24.kg
Казакстан «Талибанды» террордук уюмдар тизмесинен чыгарды
Казак бийлиги «Талибанды» өлкөнүн тыюу салынган уюмдар тизмесинен чагырды. Бул тууралуу Казакстандын президенти Касым-Жомарт Токаев Жамааттык коопсуздук келишим уюмунун (ЖККУ) Парламенттик ассамблея кеңешинин жыйынында билдирди.
Мунун себеби Ооганстандын талибдер көзөмөлдөп турган өкмөтү менен соода-экономикалык кызматташтыкты өнүктүрүү ниети экендиги айтылды.
«Казакстан «Талибан» режимин террордук тизмеден чыгарды. Буга азыркы Ооганстан менен соода-экономикалык кызматташтыкты өнүктүрүүнүн маанилүүлүгүн жана бул режим узак мөөнөттүү фактор экенин түшүнүү негиз болду», — деди Токаев
Президент азыркы тапта Ооганстанды аймак аралык байланыштарга активдүү тартуу стратегиялык маселелердин бири болгондугун кошумчалады.
0
