17:30, 29 мая 2024, 24.kg
Бишкектеги 37 мектепте жайкы лагерлер ачылат
Бишкек шаарында 3-июндан 28-июнга чейин борбордун 37 мектебинде 4 миң 275 баланы камтыган жайкы мектеп лагерлери уюштурулат. Бул тууралуу мэриядан билдиришти.
Маалыматка ылайык, мектеп лагерлери 20 күн бою саат 8:00дөн 14:00гө чейин иштейт.
Мындан тышкары июль айында окуунун отличниктери жана активисттери, ошондой эле аз камсыз болгон, көп балалуу үй-бүлөлөрдүн балдары Ысык-Көлдүн жээгинде эс алышат.
Ошондой эле шаарда балдардын чыгармачылык борборлору ачылып, каалоочулар ар кандай ийримдерге, секцияларга катыша алышат.
0
