Жапондор Манас тилин үйрөнүп жатышат
Жапониянын белгилүү Токио чет тилдер университетинде жапондор үчүн «Кыргыз тилин үйрөнөбүз!» атуу китеп басылып чыкты. Окуу китеби окуучуларга кыргыз тилинин жана маданиятынын негиздери менен тааныштырат. Китептин автору, Токио чет тилдер университетинин окутуучусу, жапон-кыргыз маданий изилдөө фондунун негиздөөчүсү Жакшылык Акматалиева бул китеп анын кыргыз тилинин граматикасын үйрөтүү жана изилдөө тажрыйбасынын кыскача мазмуну болгонун билдирди.
Китеп төрт негизги көндүмдөрдүн бардыгын колдонуу менен 14 сабактан турат — сүйлөө, окуу, угуу жана жазуу. Методология ар бир адамга ыңгайлуу темпте кыргыз тилин өз алдынча үйрөнүүгө багытталган. Жакшылык Акматалиеванын айтымында, кыргыздар менен жапондордун тилдик жөндөмдөрүн кошкондо окшош жактары көп.
«Кыргыздар менен жапондор сырткы көрүнүшү боюнча ушунчалык окшош болгондуктан, кимге эмне жагары менен айырмаланат: этти жакшы көргөндөр — кыргыздар, ал эми балыкты жакшы көргөндөр — жапондор. Айрыкча сырткы көрүнүшү эле эмес, кыргыздардын тилдик өзгөчөлүктөрү да абдан окшош», -
Жакшылык Акматалиева
дейт китептин автору .
Акматалиева «Кыргыз тилин үйрөнөбүз!» окуу китеби аркылуу Кыргызстан менен жакындан таанышкысы келгендер абдан көп экендигин белгиледи. Анткени, жапондор бардык жаңы изденүүчүлөргө ачык, ал эми жаңы китеп кыргыз маданияты жана каада-салтын таанытуу боюнча жакшы жол көрсөткүч болмокчу.
