16:27, 15 мая 2024, 24.kg
2021-жылдан бери Сирия жана Ирактан 517 бала Кыргызстанга кайтарылды
2021-жылдан бери Сирия жана Ирактан 517 өспүрүм жана бала Кыргызстанга кайтарылды. Бул тууралуу эмгек, социалдык камсыздоо жана миграция министринин биринчи орун басары Жыпариса Рысбекова Борбор Азияга кайтып келгендерди реабилитациялоо жана реинтеграциялоо маселелери боюнча аймактык эксперттик кеңештин Ташкент шаарында өткөн биринчи жыйынында билдирди.
«Сирия жана Ирактан келген жарандарыбызды мекенине кайтаруу Кыргызстандын президенти Садыр Жапаровдун тапшырмасы менен жана министрлер кабинети бекиткен иш-чаралар планынын алкагында жүргүзүлүүдө», — деди Жыпариса Рысбекова.
Ал Кыргызстанга келгенден кийин жарандар реабилитациялык , теологиялык, педагогикалык иш-чаралардан өтүп, туугандарына өткөрүлүп берилерин кошумчалады.
0
