11:32, 15 мая 2024, 24.kg
Токтогулдагы суунун көлөмү биринчи жолу 2023-жылдын деңгээлинен ашты
Токтогул суу сактагычындагы суунун көлөмү 8 миллиард 245,3 миллион метр кубга жетти. Бул сандар «Электр станциялары» ишканасынын маалыматтарында көрсөтүлгөн.
Белгилей кетсек, 2023-жылы 14-майга карата Токтогулда 8 миллиард 184,85 метр куб суу бар болчу.
2024-жылдын башынан бери биринчи жолу суунун деңгээли 2023-жылдын ушул мезгилине салыштырмалуу 60,45 миллион метр кубга көтөрүлдү.
Бүгүнкү күндө суунун агып кириши агып чыгуусунан тогуз эсе көп. Ал секундасына 1 миң 143 метр кубду, ал эми агып чыгышы секундасына 127 метр кубду түзөт.
Белгилей кетсек, акыркы эки күндө суунун агып кириши кескин көтөрүлдү, 2023-жылдын июнь айынан бери биринчи жолу 1 миң метр кубдан ашты.
0
