10:25, 06 мая 2024, 24.kg
Ошто 300 орундуу оорукана курулат
Ошто бүгүн, 6-майда оорукананын курулушуна капсула салынат. Бул жөнүндө 24.kg агенттигине саламаттык сактоо министри Алымкадыр Бейшеналиев билдирди.
Анын айтымында, ал 300 орунга ылайыкталган. Курулуш иштери Шаардык клиникалык оорукананын аймагында бюджеттик каражаттын эсебинен жүргүзүлүп жатат.
Буга чейин саламаттык сактоо министри Милдеттүү медициналык камсыздандыруу фондунун 2023-2024-жылдарга карата бюджетин кароодо министрлер кабинетинин тапшырмасы менен 20, 100, 200 жана 300 орундуу ооруканалар куруларын айткан.
0
