15:34, 22 апреля 2024, 24.kg
Бүгүн Кыргызстанга Улуу Британиянын тышкы иштер министри келет
22-23-апрелде Улуу Британиянын тышкы иштер министри Дэвид Кэмерон Кыргызстанга расмий сапар менен келет. Бул тууралуу Тышкы иштер министрлиги билдирди.
Маалыматка ылайык, ал ТИМ башчысы Жээнбек Кулубаевдин чакыруусу менен келет.
«Сапардын жүрүшүндө эки өлкөнүн тышкы саясий мекемелеринин башчыларынын сүйлөшүүлөрү орун алып, анын алкагында кыргыз-британиялык кызматташтыгынын келечеги жана перспективалары кеңири талкууланат. Ошондой эле Дэвид Кэмерондун президент Садыр Жапаров жана министрлер кабинетинин төрагасы Акылбек Жапаров менен жолугушуулары пландалган», — деп билдирди ТИМ.
0
