Ала-Тоо аянтын модернизациялоо. Скверлер, жөө жүргүнчүлөр өтүүчү зоналар жабылат
Ала-Тоо аянтында мэрдин орун басары Азамат Кадыровдун, Биринчи май районунун башчысы Сарылбек уулу Уландын жана шаардык кызматтардын жетекчилеринин катышуусунда аянтты реконструкциялоо маселеси боюнча көчмө жыйын өттү. Бул тууралуу мэриянын басма сөз кызматы билдирди.
Маалыматка ылайык, бүгүнкү күндө реконструкциялоонун эскиздик долбоору «Бишкекбашкыархитектура» муниципалдык ишканасында аяктоо стадиясында турат, жакынкы арада аны ишке ашыруу боюнча иштер башталат.
Мэрия реконструкциялоого байланыштуу убактылуу ыңгайсыздыктар үчүн кечирим сурайт.
Буга чейин «Бишкекбашкыархитектуранын» коллегиясында эскиздер сунушталган.
Маалымдалгандай, аянтты маданий жана туристтик жайга айлантуу пландалууда. Ошондой эле долбоор боюнча, 100 метрлик флагшток орнотулат, азыр анын бийиктиги 45 метрди түзөт.
