12:33, 09 апреля 2024, 24.kg
Бишкекте айрым автобустардын каттамы өзгөрдү
Бишкекте 9-апрелден тарта № 55, № 56 жана № 226 автобустардын каттамы жарым-жартылай өзгөрөт. Бул тууралуу мэриянын басма сөз кызматы билдирди.
Маалыматка караганда, бул чаралар шаардын маршруттук тармагын оптималдаштыруунун алкагында ишке ашты.
№ 56 автобус Кожобергенов көчөсү менен Чоң-Арык айылына чейин барат. № 55 автобус Ахунбаев, Чортеков, Муромский, Селекционное көчөлөрү менен ЖЭБ-2ге чейин жүрөт.
Ошондой эле № 226 автобустун каттамы мурдагы калыбына келтирилип, Ал Сухэ-Батор, Юнусалиев жана Медеров көчөлөрү менен каттайт.
0
