10:33, 20 марта 2024, 24.kg
Бишкекте апта аягына чейин күн жылуу болот, бирок жаан жаайт
Синоптиктердин маалыматы боюнча, ушул жуманын аягына чейин Бишкекте жаан-чачын күтүлүүдө, бирок күн жылуу болот.
21-мартта борбордо күн бою жаан жаайт. Түнкүсүн + 7, күндүз + 14 градуска чейин болот.
22-мартта ушундай эле аба ырайы күтүлүүдө. Түнкүсүн + 5, күндүз + 9 градуска чейин жылуу болот.
23-мартта түнкүсүн да, күндүз да жаан жаашы мүмкүн. Түнкүсүн абанын температурасы + 6, күндүз + 14 градуска чейин жогорулайт.
24-мартта борбор калаада күн бүркөк болот, бирок жаан жаабайт. Түнкүсүн +6 градуска, күндүз +17 градуска чейин жылыйт.
25-26-мартта Бишкекте жаан-чачын күтүлбөйт жана +20 градуска чейин жылуу болот.
0
