13:10, 12 марта 2024, 24.kg
Бишкекте № 145 автобус менен № 192 кичи автобустун каттам схемасы өзгөртүлдү
Бишкек шаарында № 145 автобустун жана № 192 кичи маршруттук таксисинин каттам схемасынын айрым бөлүгү өзгөрдү. Бул тууралуу мэриянын басма сөз кызматы билдирди.
Белгилей кетсек, мындай чечим шаар тургундарынын кайрылууларынын негизинде кабыл алынды.
«Мындан ары, № 145 автобус Ахунбаев көчөсү аркылуу Молдокулов көчөсүнө бурулуп, Куланак көчөсүнө чейин барат. Ал эми № 192 кичи маршруттук таксинин кыймылы Ибраимов көчөсүнөн (шаарды айланып өткөн чоң жол) «Бишкек автобекетине» чейин узарды», — деп белгиледи мекеме.
0
