16:53, 01 марта 2024, 24.kg
Бухарада газ жарылып, бир адам набыт болду
1-март күнү эртең менен Бухарадагы унаа тетиктерин саткан дүкөндөрдүн биринде газ жарылды. Анын кесепетинен имараттын биринчи кабатынын 2 бетон плитасы кулап, бир адам каза болуп, дагы бири жаракат алды.
«Жарылуунун себептери жана келтирилген зыяндын көлөмү такталууда. Кырсык болгон жерде өрт болгон эмес», — деп айтылат маалыматта.
Окуя болгон жерде куткаруучулар, ички иштер жана прокуратура кызматкерлери иш алып барууда.
Алдын ала териштирүү иштери жүрүп жатат.
0
