10:02, 20 февраля 2024, 24.kg
Кылмыш-жаза процессуалдык кодексине өзгөртүүлөрдү киргизүү мыйзамына кол коюлду
Президент Садыр Жапаров «Кылмыш-жаза процессуалдык кодексине өзгөртүүлөрдү киргизүү жөнүндө» мыйзамга кол койду. Бул тууралуу өлкө башчысынын басма сөз кызматы билдирди.
Мыйзам Жогорку Кеңеш тарабынан 2023-жылдын 27-декабрында кабыл алынган. Ал кылмыш-жаза мыйзамдарын гумандаштырууга багытталган, бөгөт чарасын кошумча тандоо, заманбап санариптик технологиялардын мүмкүнчүлүктөрүн киргизүү жана пайдалануу укугун карайт, атап айтканда:
- Кылмыш-жаза процессуалдык кодексине электрондук жана башка техникалык контролдоо каражаттарын (электрондук билерик) пайдалануу аркылуу электрондук байкоо жүргүзүү түрүндөгү бөгөт чарасынын жаңы түрү киргизилүүдө;
- жазык иштерин кароонун мөөнөттөрүн кыскартуу, тараптардын процесстик чыгымдарын кыскартуу, жакындарынын жана туугандарынын соттук отурумдар өтүүчү жерге баруусуна, аларды жайгаштырууга кеткен чыгымдарына байланыштуу кошумча чыгымдарды жоюу, коопсуздукту жана мыйзамдуулукту камсыз кылуу максатында жана соттук териштирүүдө тартипти камсыз кылуу жана тараптардын ортосунда чыр-чатактарды болтурбоо, процесстерге аралыктан (видеоконференция аркылуу) катышуусу камсыз кылынат.
0
