Бишкектин Свердлов районундагы «Ак-Жар» конушунда эртең менен жеке үйдөн өрт чыкты. Бул тууралуу Өзгөчө кырдаалдар министрлигинен  билдиришти.

Өрт бүгүн эртең менен саат 8:00 чамасында чыккан. Аны өчүрүүгө эки өрт өчүрүүчү эсеп тартылган.

Социалдык тармактарда окуя болгон жерден тартылган кадрлар тарады. Видеолордон адамдардын үйдөн буюмдарын алып чыгып жатканын көрүүгө болот.

Өзгөчө кырдаалдар министрлигинен кабарлашкандай, жабыркагандар жок, өрт толугу менен өчүрүлдү.