Владимир Зеленский АКШ менен Эр-Риядда өтө турган сүйлөшүүгө украин делегациясынын курамын атады. Бул тууралуу Украинанын президенти Х. тармагындагы өзүнүн аккаунтуна жазды.

Сауд Аравияда АКШ менен сүйлөшүүлөрдү жүргүзө турган делегациянын курамында президенттик аппараттын жетекчиси Андрей Ермак жана анын орун басары Павел Палиса, тышкы иштер министри Андрей Сибига жана коргоо министри Рустем Умеров бар.

Владимир Зеленскийдин айтымында, ал АКШ менен сүйлөшүүлөргө катышпайт, бирок 10-мартта Сауд Аравиянын мураскер ханзаадасы Мухаммед бин Салман Аль Сауд менен жолугушат. Украинанын дипломаттары жана аскерий өкүлдөрү америкалык команда менен сүйлөшүү үчүн өлкөдө калышат деп кошумчалады ал.

«Биз тараптан конструктивдүү ишке так көңүл бурулат жана биз зарыл чечимдерди жана кадамдарды талкуулап, макулдаша алабыз деп ишенебиз. Украина биринчи секунддан баштап эле тынчтыкка умтулууда. Столдо толук реалдуу сунуштар бар. Эң башкысы — тез жана эффективдүү жылыш керек», — деп белгиледи ал.

Буга чейин Украинанын Тышкы иштер министрлигинин башчысы АКШнын эл аралык аренадагы активдүүлүгүсүз туруктуу тынчтыкка жетишүү мүмкүн эмес экенин баса белгилеген. Ал эми Мамдепартамент Андрей Сыбига менен сүйлөшүү учурунда АКШнын мамлекеттик катчысы Киев туруктуу тынчтыкка карай кадамдарды жасашы керек деп билдирди.

Эске сала кетсек, АКШ менен Украинанын өкүлдөрүнүн сүйлөшүүлөрү 12-мартта Сауд Арабияда өтөт. Бул маалыматты АКШ президенти Дональд Трамптын атайын өкүлү Стив Виткофф журналисттерге ырастады.