17:50, 10 марта 2025, 24.kg
Нарын облусунда 100 миллион сомдук объект мамлекетке кайтарылды
Нарын облусунун Кочкор районунда кыймылсыз мүлк жана 5,09 гектар жер тилкеси мамлекетке кайтарылды. Бул тууралуу Башкы прокуратуранын басма сөз кызматы билдирди.
Маалыматка ылайык, Кочкор райондук прокуратурасы тарабынан мыйзамсыз менчиктештирилип кеткен мамлекеттик мүлктөрдү кайтаруу боюнча жүргүзүлгөн текшерүүдө, мурда мамлекеттин менчигиндеги дан азыктарды сактоочу кампалар жана ага тийиштүү жер тилкеси мыйзамсыз жеке жактардын менчигине берилип кеткендиги аныкталган.
Ошондой эле Жумгал райондук прокуратурасынын аракеттеринин негизинде Чаек айыл аймагындагы калктуу конуштагы мыйзамсыз жеке менчикке берилип кеткен 5 млн сомдук 0,23 га жер тилкеси муниципалдык менчикке өткөрүлүп берилди.
6
