09:27, 07 марта 2025, 24.kg
Сосновка постунда оор жүк ташуучу унааларга чектөө киргизилди
Бишкек — Ош унаа жолундагы Сосновка постунда кечээ, саат 22:00дон тарта оор жүк ташуучу унааларга убактылуу чектөө киргизилди. Бул тууралуу Транспорт жана коммуникациялар министрлигинен билдиришти.
Маалыматка ылайык, азыркы тапта Бишкек-Ош унаа жолунда (Ала-Бел, Төө-Ашуу ашууларында) бороон болуп, тазалоо иштери тынымсыз жүргүзүлүп жатат. Жеңил унааларга жол ачык, каттам бар.
Белгилей кетсек, Транспорт жана коммуникациялар министрлигине караштуу «Кыргызавтожол-Түштүк» жана «Кыргызавтожол-Түндүк» мамлекеттик ишканалары тарабынан өлкөнүн ашуулары жана жолдорунда кышкы тейлөө иштери үзгүлтүксүз уланууда.
Министрлик кандай кырдаал жаралбасын каршы тилкеге чыкпай, жол эрежесин так сактоого чакырат.
0
