12:42, 28 февраля 2025, 24.kg
Караколдо сноуборд тээп бараткан чет элдик жаран, досу менен кагышып каза болду
Каракол лыжа базасында казакстандык турист каза болду. Бул тууралуу 24.kg басылмасына Ысык-Көл облустук ички иштер башкармалыгынын басма сөз кызматы билдирди.
Окуя бир күн мурун, 27-февралда лыжа тээп жүргөн жерде болгон.
Кырсык тууралуу милицияга кабарланган. Окуя болгон жерге дароо ыкчам-тергөө тобу келип, Казакстандын 43 жаштагы жараны сноуборд тээп жүрүп, досу менен кагылышканын аныкташкан. Эркек алган жараатынан окуя болгон жерде каза болгон.
Аталган факт Ак-Суу РИИБнин Маалыматтык каттоо журналына катталган. Бардык керектүү экспертизалар дайындалып, окуянын чоо-жайы такталууда.
0
