Мажүрүм тал, кызыл карагайлар, кайыңдар. Кумтөр кантип аймакты жашылдандырууда?
2022-жылдан 2024-жылга чейин «Кумтөр Голд Компани» ишканасы кен жериндеги концессиялык аймагы жайгашкан Ысык-Көл облусунда экологияны жана айлана-чөйрөнү коргоону жакшыртуу боюнча бир нече долбоорлорду ишке ашырган.
Компаниянын маалыматы боюнча, «Жашыл Мурас» экологиялык акциясынын алкагында Жети-Өгүз жана Тоң токой чарбаларында жалпы 8 гектар аянтка токой өсүмдүктөрү айдалган. Жети-Өгүз районунун токой чарбасы үчүн керектүү техникалар сатылып алынган. Ошондой эле Түп токой чарбасынын Каркыра участкасына 300 гектар аянтка токой өсүмдүктөрүн отургузууну каржылады.
Тянь-Шань кызыл жана кара карагайдын, кайыңдын көчөттөрүн кошкондо 288 миң түп түп отургузулду.
Кумтөр кенине баруучу технологиялык жолдун 14-чакырымына 150 түп тал көчөттөрү жана 150 түп Тянь-Шань карагайы отургузулду.
