Министрлер кабинетинин төрагасы министрдин эки орун басарын кызматтан алды
Министрлер кабинетинин төрагасы Адылбек Касымалиев суу чарба, айыл чарба жана кайра иштетүү өнөр жай министринин орун басары Алмаз Сокеевди жана билим берүү жана илим министринин орун басары Расул Абазбек уулун ээлеген кызматынан бошотууну талап кылды. Бул тууралуу ал президенттик аппараттын жыйынында билдирди.
Министрлер кабинетинин башчысы Адылбек Касымалиев суу чарба, айыл чарба жана кайра иштетүү өнөр жай министринин орун басары Алмаз Сокеевди жана билим берүү жана илим министринин орун басары Расул Абазбек уулун ээлеген кызматынан бошотууну талап кылды. Бул тууралуу ал президенттик аппараттын жыйынында билдирди.
Буга чейин айыл чарба министринин эки орун басары уруксатсыз чет элдик иш сапарга кеткени маалымдалган. Коллегияда жарыяланган расмий маалыматка караганда, министрдин дагы бир орун басары Самат Насирдинов Жапонияда 81 күн болуп, бирок катуу сөгүш алган.
Эске салсак, бүгүн Ынтымак Ордодо президенттик аппараттын коллегиясынын жыйыны өтүп, анда президенттин жана министрлер кабинетинин чечимдеринин аткарылышы, мамлекеттик кызматкерлердин чет элдик иш сапарларынын натыйжалуулугу, билим берүү тармагындагы актуалдуу маселелер жана мамлекеттик органдар тарабынан бюджеттик каражаттарды өздөштүрүү маселелери каралууда.
