Бишкек мэриясы мектеп окуучулары жасаган укук бузууларды билдирүүнү суранат
Бишкек мэриясы шаар тургундарын мектеп окуучулары тарабынан жасалган мыйзам бузуулар боюнча билдирүүнү өтүнөт. Бул тууралуу муниципалитеттин басма сөз кызматы билдирди.
Маалыматка ылайык, борбор калаанын мектептеринде өспүрүмдөр арасындагы кылмыштуулуктун алдын алуу алкагында иш-чаралар өткөрүлүүдө. Мектеп окуучуларына жана алардын ата-энелерине чыр-чатактын кесепеттери жана аларды тынчтык жолу менен чечүүнүн маанилүүлүгү тууралуу түшүндүрүү иштери жүргүзүлүүдө.
Бишкек шаарынын мэриясы шаардагы муниципалдык мектептердин окуучулары тарабынан жасалган укук бузууларга күбө болгон шаар тургундарын борбор калаанын мэриясынын Call-борборуна 0554 182 185 (Whatsapp) телефону аркылуу токтоосуз (аудио-видео жазуу менен) билдирүүнү өтүнөт. Ошону менен бирге муниципалитет анын талаптарын бузгандыгы үчүн жоопкерчиликке алып келген «Жалган маалыматтан коргоо жөнүндө» мыйзамдын нормаларын сактоону өтүнөт.
Буга чейин борбор калаанын мэри мектептерде коопсуздукту күчөтүү, мектеп рэкетине жана рэкетчиликке каршы күрөшүү, социалдык тармактын жетекчилеринин, мугалимдердин жана ата-энелердин жоопкерчилигин кароо боюнча шаар жетекчилери менен кеңейтилген жыйын өткөргөн.
