14:23, 13 февраля 2025, 24.kg
Салык кызматы 2024-жылы 21,5 миллиард сом карыз өндүргөн
Мамлекеттик салык кызматы салык жана камсыздандыруу карыздарын кыскартуу боюнча иш-аракеттеринде олуттуу жылыш болгонун билдирди. 2024-жылы республикалык бюджетке 21 миллиард 553 миллион сом чогултуу мүмкүн болгон. Бул тууралуу Мамлекеттик салык кызматынын басма сөз кызматы билдирди.
Маалыматка ылайык, анын ичинен:
салык карызы боюнча 18 млрд 690,3 млн сом;
камсыздандыруу төгүмдөрү боюнча 2 млрд 854,7 млн сом өндүрүлгөн.
Белгилей кетсек, натыйжалуу санариптик куралдарды жана салык төлөөчүлөр үчүн салык милдеттенмелерин аткарууну жөнөкөйлөтүүчү жана пайдалуу кызматтарды киргизүү бул көрсөткүчтөргө жетүүгө өбөлгө түздү.
0
