Мурдагы Миң-Куш «Оргтехника» заводу мамлекетке кайтарылды
Мурдагы Миң-Куш «Оргтехника» заводу — азыркы «Оргтехника» ААКтын балансында турган кыймылсыз мүлк жана товардык-материалдык баалуулуктар мамлекеттин балансына кайтарылды. Бул тууралуу Улуттук коопсуздук боюнча мамлекеттик комитеттин басма сөз борбору билдирди.
Маалыматка ылайык, «Оргтехника» ААКнын жер тилкелери жана кыймылсыз мүлктөрү Жумгал райондук мамлекеттик администрациясынын балансына өткөрүлүп берилди.
«Кайра кайтарылган кыймылсыз мүлктүн жалпы аянты 11 гектарды түзөт. Атап айтканда аянты 4,3 гектар болгон инструменттер цехи; 20 гектарга жакын станок (металл кесүүчү, токардык , фрезердик, жаргылчак жана башка) бар жана аспаптар; аянты 4,44 гектар болгон заводдун аянты; Мин-Куш айылынын 16-аянтында жайгашкан, аянты 0,19 сотых болгон мурдагы май куюучу жайдын аймагы, аянты 0,0346 сотых болгон мурдагы 7-цехтин аймагы, аянты 0,01 сотых болгон 35м2 жакын банкет залы, 30м2 4 гараж жана китепкана», — деп жазылат маалыматта.
Миң-Куш «Оргтехника» заводу 1970-1971-жылдары Нарын облусунун аймагындагы биринчи ири өнөр жай ишканасы катары түзүлгөн. Ал жер ручка, түстүү фломастерлерди чыгаруучу ири ишкана болгон. Мамлекеттик «Оргтехника» заводу 1994-жылы Эл аралык өнүктүрүү уюмунун программасына киргизүү аркылуу 1995-жылы ачык акционердик коом (ААК) болуп кайра түзүлгөн.
