08:30, 10 февраля 2025, 24.kg
Зеленский Путин менен сүйлөшүү шартын атады
Батыш коопсуздук кепилдигин берсе, Киев сүйлөшүүлөрдүн каалаган форматына даяр. Бул тууралуу Украинанын президенти Владимир Зеленский ITV News (Улуу Британия) телеканалына берген маегинде билдиргендигин орусиялык ЖМКлары жазып чыкты.
Маалыматка ылайык, ал орус лидери Владимир Путин менен жолугушууга мүмкүнбү деген суроого ушинтип жооп берди.
«Эгерде мен Америка менен Европа бизди таштабай турганын, бизди колдоп, коопсуздук кепилдигин берерин түшүнсөм, анда мен бардык форматтагы сүйлөшүүлөргө даяр болмокмун», — деп айткан ТАСС Зеленскийдин сөзүн.
Буга чейин Кремль Зеленский легитимсиздигине карабастан аны менен диалогго даяр экенин билдирген.
0
