14:16, 05 февраля 2025, 24.kg
Азия оюндары. Кыргызстандын хоккей курамасы Бахрейнди 29:0 эсебинде утуп алды
Бүгүн, 5-февралда Кыргызстандын хоккей боюнча курама командасы Харбин (Кытай) шаарында өтүп жаткан Кышкы Азия оюндарында экинчи жеңишке жетишти. Бул тууралуу Азия оюндарынын сайтында маалымдалды.
Тайпалык баскычтын 2-турунда биздин команда Бахрейн курамасын 29:0 эсебинде утуп алды. Он төрт кыргызстандык хоккейчилер гол киргизди.
Биринчи турда кыргызстандыктар Кувейттин командасын 8:7 эсебинде утуп алган.
9-февралда Кыргыз курама командасы Сингапур курамасы менен беттешет.
Эске салсак, IX Кышкы Азия оюндары Кытайда 7-14-февраль аралыгында өтөт. Кыргызстандын курама командасы биатлон, тоо лыжасы, көркөм муз тебүү, хоккей жана керлинг боюнча мелдештерге катышат.
0
