Ош жана Бишкек мэрлерин дайындоо. Депутаттар мыйзам долбоорун 1- окууда жактырды
Конституциялык мыйзамдар, мамлекеттик түзүлүш, сот-укуктук маселелер жана регламент боюнча комитети «Борбордун статусу жөнүндө» жана «Ош шаарынын статусу жөнүндө» мыйзамдарга өзгөртүүлөрдү киргизүүнү биринчи окууда жактырды.
Мыйзам долбоорунун демилгечилери — депутаттар Чыңгыз Ажыбаев, Ырысбек Атажанов, Русланбек Жакышов, Кубанычбек Самаков, Динара Ашимова.
Өзгөртүүлөргө ылайык, Бишкек жана Ош шаарларынын жетекчилерин президент дайындайт жана кызматтан бошотот. Шаардын мэрлерин кызматтан алуу үчүн негиз катары алардын ишмердүүлүгү менен кабыл алынган чечимдердин жана саясий жетекчилик жүргүзгөн саясаттын ортосундагы айырмачылыктар болушу мүмкүн.
Бишкек жана Ош шаарларынын мэрлеринин кызмат орундарына жогорку билимдүү, мамлекеттик же муниципалдык кызматтарда он жылдан кем эмес, анын ичинде жетекчилик кызматтарда беш жылдан кем эмес тажрыйбасы бар жана мамлекеттик кызматта кеминде он беш жылдан кем эмес иш стажы бар адамдар дайындалышы мүмкүн.
Мэрликке талапкер кесиптик ишин жүзөгө ашыруу үчүн зарыл болгон деңгээлде мамлекеттик тилди билүүгө тийиш.
