Кыргызстан мындан ары иш күндөрүн ишембиге которбойт
Кыргызстанда мындан ары иш күндөрүн ишембиге которуу болбойт. Министрлер кабинети «2025-жылга дем алыш күндөрүн которуу жөнүндө» токтомун күчүн жоготту деп таануу боюнча документти кабыл алды.
Чечим кабыл алынган Эмгек кодексинин жаңы редакциясына ылайык Кыргыз Республикасынын мыйзамдарын системалаштыруу максатында иштелип чыккан.
Эске салсак, буга чейин беш күндүк иш жумасында иштеген мамлекеттик жана муниципалдык уюмдардын, мекеме-ишканалардын мамлекеттик бюджеттен каржыланган кызматкерлери үчүн бир катар эс алуу күндөрү башка күнгө которулуп келген. Бул практикадан баш тартуу чечими кабыл алынды.
Кыргызстанда Ата Мекенди коргоочулар күнү (23-февраль), Элдик Апрель революциясы күнү (7-апрель), Тарых жана ата-бабаларды эскерүү күндөрү (7-8-ноябрь) майрамдык күн катары калды. Бирок, эми алар жумушчу күндөрү болуп калышат.
Дем алыш боло турган майрамдар: Рождество (7-январь), Эл аралык аялдар күнү (8-март), Нооруз (21-март), Конституция күнү (5-май), Жеңиш күнү (9-май), Эгемендүүлүк күнү (31-август).
Жаңы жылдык майрамдар жыл сайын 1-январдан 7-январга чейин өткөрүлөт — бул жумада жумуш эмес апта болот.
1-майдан 9-майга чейин Май майрамдары да салтка айланат. Бул күндөр да иштебейт.
