15:07, 03 февраля 2025, 24.kg
«Азия оюндары-25»: Кыргызстандык хоккейчилер Кувейттин командасын жеңди
Кытайда өтүп жаткан Кышкы Азия оюндарында Кыргызстандын хоккей боюнча курама командасы старт алды. Бул тууралуу Азия оюндарынын сайтында маалымдалды.
Алгачкы беттеште биздин курама Кувейтти 8:7 эсебинде утуп алган. Баары кошумча убакытта чечилди.
Голдорду Мамед Сейфулов (5), Максим Егоров, Адил Бекмуратов, Эрсултан Мирбеков киргизишти.
Белгилей кетсек, В тайпасынын дагы бир беттешинде Сингапур курамасы Бахрейнди 20:1 эсебинде утуп алган.
5-февралда 2-турда кыргызстандыктар Бахрейн курамасы менен беттешет.
Эске салсак, IX Кышкы Азия оюндары Кытайда 7-14-февраль аралыгында өтөт. Кыргызстандын курама командасы биатлон, тоо лыжасы, көркөм муз тебүү, хоккей жана керлинг боюнча мелдештерге катышат.
0
