ЖК депутаты Эрулан Кокулов жыйынга кечигип келип, кесиптештери менен уруша кетти
Депутат Эрулан Кокулов Жогорку Кеңештин Социалдык саясат боюнча комитетинин жыйынына кечигип келип, кесиптештери менен кайым айтыша кетти.
Жыйынга келген эл өкүлү Республикалык клиникалык жугуштуу оорулар ооруканасынын ишмердүүлүгү, ошондой эле Кыргызстандагы эпидемиологиялык абал боюнча суроолорду бере баштады. Комитет төрайымы Винера Раимбачаева депутаттар бул маселени күн тартибинен алып салганын Саламаттыкты сактоо министрлигинин мурдагы жетекчиси Алымкадыр Бейшеналиев келбей калганы менен түшүндүрдү.
— Сиз жолугушууларды кийинкиге калтыра бересиз. «Силер көптөн бери көз карандысыңар», — деди Эрулан Көкулов.
Винера Раимбачаева депутат жыйынга өз убагында келиши керек болчу, ошондо бардык нерседен кабардар болмок деп жооп берип, орой сүйлөбөөнү өтүндү.
"Бул коллегиалдуу орган. Айгүл Абдисаламовна маселени күн тартибинен алып салуу боюнча сунуш киргизип, кесиптештери аны колдошту. Эмнеге ачууланып жатасың? Сыртка чыгып, ошол жерде ачуулан! — деди ал.
Эрулан Кокулов ооруканада экенин, ошол себептен кечигип калганын айтты.
Чатак 15 мүнөттөй созулган. Парламентарийлердин микрофондору өчүрүлдү.
Эске сала кетсек, бүгүн Алымкадыр Бейшеналиев саламаттыкты сактоо министри кызматынан бошотулганы белгилүү болгон.
