Депутат ТИМден бардык кыргызстандыктар үчүн визасыз режимди камсыздоону суранды
Жогорку Кеңештин жыйынында бир катар мамлекеттер менен дипломатиялык жана кызматтык паспорттордун ээлери үчүн визасыз режимди жоюу боюнча макулдашуулар каралып жатканда депутат Дастан Бекешев Тышкы иштер министрлигинин башчысы Жээнбек Кулубаевге кайрылып, карапайым жарандарга да кам көрүүнү суранды.
«Дипломатиялык паспорту бар саясий адамдарга камкордугуңуз үчүн ыраазычылык билдирем. Бирок калган жарандарды унутпаңыз. Качан ушундай келишимдерди карапайым кыргыз жарандары визасыз ар кайсы мамлекеттерге бара тургандай кылып кабыл алабыз? Биздин кошуналар муну ийгиликтүү аткарып жатышат, бирок бул жерде эч кандай жылыш болгондугун укпайм», — деди депутат.
Министр Кыргызстандын паспортторунун жакшы корголбогондугун жана азыр сапаттуу документтер киргизилип жатканын, андан кийин ар кайсы мамлекеттер менен сүйлөшүүлөрдү жүргүзүүгө болорун түшүндүрдү.
«Бул багытта иштер жүрүп жатат. Өнөктөштөр менен сүйлөшүп жатабыз, мыйзам бузуулар болбосо келишимдерге кол коюуга даярбыз деп жатышат», — деп жооп берди Жээнбек Кулубаев.
