12:35, 28 января 2025, 24.kg
Кыргызстанда КРВИ жана сасык тумоо менен ооругандардын саны азайды
Кыргызстанда 20-январдан 26-январга чейинки бир жумада курч респиратордук вирустук инфекциялардын 11 миң 441 учуру, сасык тумоонун 53 учуру катталды. Бул тууралуу маалыматты Саламаттыкты сактоо министрлигинин оорулардын алдын алуу жана мамлекеттик санитардык-эпидемиологиялык көзөмөл департаменти билдирди.
Мекеменин маалыматына караганда, оорунун көрсөткүчү өткөн жумага салыштырмалуу 2,6 пайызга азайган.
Ооругандардын 5 пайызы (же 563 бейтап) ооруканага жаткырылган.
Белгиленгендей, сасык тумоо мезгили 2024-жылдын декабрынын ортосунан бери байкалууда.
Эпидемияга каршы иш-чараларды өз убагында уюштуруу жана оорунун алдын алуу максатында балдардын мектепке баруусуна мониторинг жүргүзүлүүдө.
0
