12:10, 28 января 2025, 24.kg
Бишкектеги зоопарктагы өрттөн алты маймыл жана бир кенгуру өлдү
Бишкектеги зоопарктардын биринде өрт чыгып, анын кесепетинен жаныбарлар өлдү. Бул тууралуу Өзгөчө кырдаалдар министрлигинин басма сөз кызматы билдирди.
Өрт бүгүн, 28-январда таңга маал борбор калаанын Октябрь районундагы реабилитациялык зоопарктын аймагында болгон. Өрттүн кесепетинен жыгач менен капталган 10 чарчы метр тосмо күйгөн. Саат 8:05те өрт толугу менен өчүрүлгөн. Натыйжада 7 жаныбар (6 маймыл, 1 кенгуру) өлдү.
«Өрт боюнча иликтөө иштери жүрүп, себеби такталууда», — деп кошумчалады КР Өзгөчө кырдаалдар министрлиги.
0
