18:12, 27 января 2025, 24.kg
«Манас» эл аралык аэропорту ААКсы атын өзгөрттү
«Манас эл аралык аэропорту» ачык акционердик коому расмий түрдө «Кыргызстандын аэропорттору» ААК болуп өзгөртүлдү. Бул тууралуу компаниянын басма сөз кызматы билдирди.
Маалыматка ылайык, өлкөнүн башкы эл аралык аэропорту «Манас» аталышын сактап калат.
Өзгөртүү акционердик коомдорго гана тиешелүү. Компаниянын маалыматы боюнча, бул демилге өлкөнүн бардык аэропортторун бирдиктүү бренддин астында бириктирүү жана өнүктүрүүнүн стратегиялык багытын чагылдырат.
0
