Кыргызстан Грузиянын экспорттук өнөктөштөрүнүн ондугунда биринчи турат
Грузиянын Улуттук статистикалык башкармалыгынын алдын ала маалыматтары боюнча, өткөн жылы он ири экспорттук өнөктөш өлкөнүн үлүшү жалпы экспорттун 81,5 пайызын түзгөн.
Эң ири экспорттук өнөктөштөрдүн үчөөнүн арасында Кыргызстан 1 миллиард 287,4 миллион доллар менен биринчи, Казакстан 859,9 миллион доллар менен экинчи, Азербайжан 724,5 миллион доллар менен үчүнчү орунда.
Статистикалык маалыматтарга ылайык, 2024-жылы он ири өлкөнүн — импорттук өнөктөштөрдүн үлүшү Грузиянын жалпы импортунун 69,9 пайызын түзгөн.
Алдыңкы үчтүктө 2 миллиард 770,1 миллион доллар менен Түркия, 2 миллиард 47,3 миллион доллар менен АКШ жана 1 миллиард 849,8 миллион доллар менен Орусия турат.
Кошумчалай кетсек, башкармалыктын маалыматы боюнча өткөн жылы товардык топтордун ичинен экспорттун алдыңкы ондугунда биринчи орунду 2 миллиард 426,8 миллион доллар көлөмүндөгү жеңил унаалар ээлеп, жалпы экспорттун 37 пайызын түзгөн.
«Грузстаттын» маалыматы боюнча, 2024-жылы импорттун эң ири товардык тобун жеңил унаалар да түзөт, алардын импортунун көлөмү 3 миллиард 464,5 миллион долларды түзгөн.
