2024-жылы Салык кызматы бюджетке 228 миллиард сом которгон
2024-жылы Кыргызстандын Салык кызматы бюджетке 228,2 миллиард сом которгон. Бул тууралуу аталган башкармалык билдирди.
Кирешенин негизги булактары:
Ата мекендик ички товарларга КНС — 39,4 млрд сом;
ЕАЭБ өлкөлөрүнөн импортко КНС — 37,9 млрд сом;
Жеке киреше салыгы — 26,5 млрд сом;
киреше салыгы — 20,1 млрд сом;
алтын казуучу ишканалардын киреше салыгы — 16,1 млрд сом;
бирдиктүү салык — 15,08 млрд сом;
ЕАЭБ өлкөлөрүнөн импортко акциз салыгы — 13,3 млрд.
2023-жылга салыштырмалуу кирешелер төмөнкү багыттар боюнча өстү:
Ата мекендик товарларга КНС — +9,6 млрд сом (+132,4 пайыз);
ЕАЭБ өлкөлөрүнөн импортко КНС — +5,2 млрд сом (+115,9 пайыз);
Жеке киреше салыгы — +4,7 млрд сом (+121,4 пайыз);
киреше салыгы — +2,5 млрд сом (+114 пайыз);
алтын казуучу компаниялар үчүн киреше салыгы — +5,5 млрд сом (+152 пайыз);
ЕАЭБ өлкөлөрүнөн импортко акциз салыгы — +587,7 млн сом (+104,6 пайыз).
Айрыкча бирдиктүү салык 212,6 пайызга же 8 млрд сомго көбөйгөн.
Салыктык түшүүлөрдүн көбөйүшүнүн негизги себептери болуп салыктык башкарууну жакшыртуу, мониторингди күчөтүү жана санариптик технологияларды киргизүү саналат.
