13:32, 23 января 2025, 24.kg
Лос-Анжелесте кайрадан токой өрттөнүүдө. Миңдеген адамдар эвакуацияланып жатат
Лос-Анжелесте жаңы токой өртү башталды. Бул тууралуу Reuters агенттиги билдирет.
Америка Кошмо Штаттарынын Лос-Анджелес округунда (Калифорния) жаңы өрт чыкканы кабарланды. Беш сааттын ичинде ал 38 чарчы километрден ашты. 31 миңдей тургунга эвакуациялоо буйругу берилди.
Калифорниянын токой чарба департаментинин жана өрткө каршы комиссары Джо Тайлер: «Куткаруучулар аны кармап калуу үчүн чоң иштерди жасап жатышат», — деди.
Эске салсак, Лос-Анджелес округунда 7-январда башталган токой өрттөрү штаттын тарыхындагы эң ири өрт болуп эсептелет. Метеорологдордун айтымында, кургак жана шамалдуу аба ырайы өрттүн тез жайылышына себеп болгон. Өрттүн жалпы аянты 16 миң гектардан ашты. Кеминде 25 киши набыт болгон.
0
