16:11, 21 января 2025, 24.kg
Өткөн жылы кен казуучу компаниялар бюджетке 41,7 миллиард сом которушкан
2024-жылы тоо-кен ишканалары бюджетке 41,7 миллиард сом которушкан. Бул тууралуу Жаратылыш ресурстары, экология жана техникалык көзөмөл министри Медер Машиев Жогорку Кеңештин Отун-энергетикалык комплекси, жер казынасын пайдалануу жана өнөр жай саясаты боюнча комитетинин жыйынында билдирди.
Анын айтымында, бул каражаттардын 1 миллиард 600 миллион сому Жаратылыш ресурстар министрлиги тарабынан тескөөчү салыктык эмес кирешелер. Калганы салыктык кирешелер болуп саналат.
Жалпысынан учурда пайдалуу кен чыккан жерлерди иштетүүгө 2097 лицензия күчүндө. 2024-жылы 141 лицензия берилсе, анын 15и мамлекеттик компанияларга берилген.
0
