9-майда Москвада өтүүчү Жеңиш парадына 19 мамлекет чакырылды
9-майда Москвада өтүүчү Жеңиш парадына 19 мамлекет чакырылды. Бул тууралуу Орусиянын коргоо министри Андрей Белоусов билдирди.
«Кызыл аянттагы парадга катышуу үчүн 19 дос мамлекеттин аскер бөлүктөрү чакырылган, алардын 10у катышууну ырасташты. Анын ичинде мурдагы СССРдин жети өлкөсү, — деп айтты ал «Жеңишти» уюштуруу комитетинин жыйынында.
ЖККУга мүчө-мамлекеттердин мамлекет башчыларын жана аскер бөлүктөрүн Улуу Жеңиштин 80 жылдыгына карата 9-майда Орусиянын президенти Владимир Путин Москвага жеке чакырганы такталган.
Эске салсак, 2025-жылдын 9-майында Улуу Ата Мекендик согуштагы жеңишке 80 жыл толот. 1945-жылы январь айында советтик армия Берлинге чабуулун баштаган. Аскердик аракеттерден кийин 9-майда Москва убактысы боюнча саат 00:43тө башкы командачылар Германиянын шартсыз багынып берүү актысына кол коюшту, бул согуштун аяктаганын билдирген.
