Исхак Масалиев Бишкектеги Лениндин эстелигин бузууга шашылбоого чакырды
Жогорку Кеңештин бүгүн, 16-январындагы жалпы жыйынында депутат Исхак Масалиев Бишкектеги Лениндин эстелигин бузууга шашылбоого чакырды.
Эске сала кетсек, вице-спикер Нурбек Сыдыгалиев Владимир Лениндин эски аянттагы эстелигин алып, Турдакун Усубалиевдин эстелигин орнотууну сунуштаган.
Исхак Масалиев айтымында, Турдакун Усубалиевдин эстелиги аллеядагы Лениндин эстелигинен 200 метр аралыкта турат.
"20-кылымдын башында жерибиз жок болчу, экиге бөлүнүп калдык. Бир бөлүгү Россия империясынын, экинчи бөлүгү Кокон хандыгынын курамында болгон. Улуу Октябрдын шарапаты менен Советтер Союзу түзүлүп, андан кийин Кара-Кыргыз Автономиялуу облусун, андан кийин Кара-Кыргыз Автономиялуу Республикасын түздүк, кийинчерээк Кыргыз ССРи түзүлдү. Ушул чек араларда биз эгемендүүлүккө ээ болдук. «Кыргыз мамлекеттүүлүгүн өнүктүрүүдө Владимир Ильич Ленин чоң роль ойноду деп эсептейм, — дейт Исхак Масалиев.
Анын айтымында, 21-кылымда адамдар тарыхты унуткан адат пайда болушкан.
«Биз кечээги күндү унутууга аракет кылып жатабыз. Бул чоң жаңылыштык. Кыргызстандын калкынын 30-40 пайызы 73 жыл боюу СССРде багылган. Бул демилгенин туура же туура эмес экенин айта албайм, бирок Лениндин эстелигин бузуу темасын азырынча талкуулобоону суранам», — деди депутат.
Вице-спикер Нурбек Сыдыгалиев айкелди жылдыруу маселесин министрлер кабинети чечет деп жооп берди.
