ЖК төрагасы: «Санариптик өнүктүрүү министрлигинин ишине жарандар канааттанбайт»
Жогорку Кеңештин бүгүн, 16-январдагы жалпы жыйынында төрага Нурланбек Тургунбек уулу санариптик өнүктүрүү министрлигинин ишине эл канааттанбай жатканын билдирди.
Анын айтымында, өлкөдө санариптештирүү өтө жай жүрүп жатат.
«Ошондуктан бул маселени жыйында карашыбыз керек. Айылдарда, облус, район борборлорунда, борбордо санариптештирүү кандай жүрүп жатканы боюнча отчет алышыбыз керек. Биз абдан артта калдык. «Санариптик өнүктүрүү министрлигинин ишмердүүлүгүнө парламенттин депутаттары гана эмес, көпчүлүк жарандар да нааразы», - дейт Нурланбек Тургунбек уулу.
Буга чейин депутат Дастан Бекешев мамлекеттик органдар санариптештирүүнүн алкагында чогултулган маалыматтарды колдонбой, ошондуктан жарандарды бир мекемеден экинчи мекемеге маалымкат алып жүрүүгө мажбурлап жатканын билдирген.
