Баткенде 150 гектар айыл чарба жери турак жай курууга бөлүндү
Баткен районунда 150 гектар айыл чарба жери турак жай курууга бөлүнгөн. Тиешелүү тескемеге министрлер кабинетинин башчысы Адылбек Касымалиев кол койду.
Документке ылайык, Кадамжай районунун Масалиев айыл аймагындагы мамлекеттик менчиктеги жер тилкелери «айыл чарба багытындагы жерлер» категориясынан «калктуу конуштардын жерлери» категориясына которулат. Бул Кожо жана Алыш айылдарынын аймактарын кеңейтүү максатында жасалып жатат.
150 гектардын 147,1 гектары жайыт болсо, дагы 2,9 гектары дарыянын нугунда. Жеке турак-жай куруу үчүн жер тилкелери трансформацияланууда.
Кадамжай райондук мамлекеттик администрациясына жер участогун каттоо документтерине өзгөртүүлөрдү киргизүү, жер тилкелеринин шаар куруу документтерин иштеп чыгуу жана бекитүү тапшырылды.
Тарыхый-маданий мурастар белгиленген аймактарда табылса, аларды сактап калуу чаралары да тиешелүү.
