Калифорниядагы өрт. Жабыркагандардын арасында кыргызстандыктар жок
Калифорния штатындагы өрттөн кыргызстандыктар арасында жабыркагандар жок. Бул тууралуу Тышкы иштер министрлиги билдирди.
Аталган мекеме Кыргызстандын Чикагодогу Башкы консулдугу аймакта жайгашкан кыргызстандыктар менен дайыма байланышта экенин билдирди.
Маалыматка ылайык, учурда Лос-Анджелес аймагындагы токой өртүндө жабыркагандардын арасында Кыргызстандын жарандары жок.
ТИМ Калифорнияда жүргөн жарандарга күчөтүлгөн коопсуздук чараларын көрүүнү жана өрт чыккан аймактарга баруудан баш тартууну сунуштайт.
Өзгөчө кырдаалдар же кыйынчылыктар жаралса, Кыргызстандын Чикагодогу Башкы консулдугунун ишеним телефонуна +1 312 929 34 42 кайрылыңыздар.
Белгилей кетсек, Лос-Анжелесте кеминде алты жерде токой өртөнүп жатат. Кырдаалды катуу шамал жана суунун жетишсиздиги татаалдаштырууда. Аймакта бир нече айдан бери жаан-чачын жок, шаардын суу сактагычтары жергиликтүү өрттөрдү өчүрүүгө ылайыкталган.
