10:23, 10 января 2025, 24.kg
Камчыбек Ташиев Испанияда жаштар курамасына жолугуп, алардын оюнуна күбө болду
Улуттук коопсуздук боюнча мамлекеттик комитеттин башчысы жана ошол эле учурда Кыргыз футбол биримдигинин президенти Камчыбек Ташиев 20 жашка чейинкилердин Испаниядагы машыгуу - жыйыны менен таанышты. Бул тууралуу аталган биримдиктин басма сөз кызматы билдирди.
Бир күн мурда өлкөнүн жаштар курамасы алгачкы жолдоштук беттешин өткөрдү. Кыргыз курамасы Испаниянын экинчи дивизионунда (Сегунда) ойногон «Картахена» клубун 5:0 эсебинде утуп алды.
Камчыбек Ташиев футболчуларды жеңиши менен куттуктап, спортчулардын Азия Кубогуна жакшы даярдыгын белгиледи.
0
