10:09, 26 декабря 2024, 24.kg
Бишкектин борборунда жылуулук кечке чейин кайрадан өчүрүлдү
Бүгүн, 26-декабрда саат 9.00дөн 18.00гө чейин Бишкектин борбордук көчөлөрүндө жылуулук жана ысык суу болбойт. Бул тууралуу мэриядан кабарлашты.
Муниципалитеттин маалыматы боюнча, Ибраимова көчөсүндөгү 40, 42, 40/1, 42/1, Бөкөнбаев көчөсүндөгү 59-үй, Шопокова көчөсүндөгү 33, 35 үйлөр үчүн жылуулук өчүрүлөт.
Муниципалдык кызматтар тарабынан жылуулук тармагынын эски бөлүгүн алмаштыруу жана жаңы орнотулган жылуулук тармагына кайра туташтыруу иштери жүргүзүлөт.
«Бишкекжылуулуктармагы» ААК убактылуу ыңгайсыздыктарга түшүнүү менен мамиле кылууну өтүнөт.
0
