Мамкурулуштун жетекчиси канча социалдык объектилер ишке берилгенин айтты
Мамкурулуштун жетекчиси өткөн жылы канча социалдык объектилер ишке берилгенин айтып берди. Нурдан Орунтаев «Биринчи радиодо» сүйлөп жатып, 2024-жылы Кыргызстанда курулуш тез темп менен өнүгүп жатканын белгиледи.
Анын айтымында, 230 социалдык объектилер, анын ичинде жаңылары жана капиталдык оңдоп-түзөөдөн өткөн объектилер пайдаланууга берилди. Курулуш индустриясы 137 пайызга өскөн.
«Биз таза суу менен камсыз кылуу үчүн 100дөн ашык мектеп, 50 бала бакча, оорукана, спорт комплекстерин, маданият үйлөрүн, 22 объектилерди курдук. Республикалык бюджеттен 13 миллиард сомго жакын каражат бөлүндү», — дейт Нурдан Орунтаев.
Белгилей кетсек, Евразия экономикалык комиссиясынын маалыматына ылайык, ЕАЭБде курулуш иштеринин көлөмү 2024-жылдын январь-октябрь айларында өткөн жылдын ушул мезгилине салыштырмалуу 3,1 пайызга өскөн. Эң жогорку көрсөткүч Кыргызстанда (31,1 пайыз) катталган. Андан кийин 10,2 пайыз менен Казакстан жана 7,8 пайыз менен Беларусь, 3,3 пайыз менен Армения жана 2,2 пайыз менен Орусия турат.
