17:13, 24 декабря 2024, 24.kg
Камчыбек Ташиев Баткен облусунун жаңы жетекчисин облус активине тааныштырды
Баткен облусуна жаңы жетекчини УКМКнын төрагасы Камчыбек Ташиев облус активине тааныштырды. Бул тууралуу элчиликтин басма сөз кызматы билдирди.
Белгилей кетсек, бүгүн, 24-декабрда Президент Садыр Жапаров кол койгон жарлыкка ылайык, Айбек Шаменов президенттин Баткен облусундагы ыйгарым укуктуу өкүлү болуп дайындалган. Айбек Шаменов буга чейин УКМКнын төрагасынын орун басары, Антитеррордук борборунун директору кызматын аркалап турган.
Садыр Жапаров кол койгон башка жарлыкка ылайык, Баткен облусунун мурдагы башчысы Абдикарим Алимбаев УКМК төрагасынын биринчи орун басары — УКМКнын Чек ара кызматынын директору болуп дайындалды.
Камчыбек Ташиев жетекчилерди жаңы кызмат орду менен куттуктап, жооптуу иштерине ийгилик каалады.
0
