10:30, 20 декабря 2024, 24.kg
Бишкекте III Элдик курултай башталды
Бүгүн, 20-декабрда Бишкекте Токтогул Сатылганов атындагы Кыргыз улуттук филармониясында III Элдик курултай өтүп жатат.
Элдик курултайга президент Садыр Жапаров, Жогорку Кеңештин депутаттары, министрлер кабинетинини мүчөлөрү, мамлекеттик органдардын жана президенттин облустардагы өкүлдөрү катышууда.
Жалпысынан III Элдик курултайга 700 делегат катышып жатат. Анын ичинен 640ы өлкө аймактарынан, 30 киши этностук өкүлчүлүктөрдөн, дагы 30 делегат чет өлкөдөгү мекендештер болуп саналат.
Курултайда өткөн жылы делегаттар тарабынан айтылган маселелердин аткарылышы тууралуу отчеттук маалыматтар угулат.
Учурда курултайдын Эсептөө комиссиясы жана 17 кишиден турган Улуттук Кеңеш шайланып, төрагалары дайындалып жатат.
0
